more quotes and replies from SS Swami

 83. బాబు: శరణాగతి అంటే?

సద్గురు: జీవితమనేది Already షూటింగ్ పూర్తయిపోయి, రిలీజ్ అయిపోయిన సినిమా లాంటిది. సినిమా పూర్తయ్యే వరకు ఇక నీవు చేయగలిగేది, మార్చగలిగేది ఏమీలేదు. సాక్షిగా ప్రేక్షకుడుగా చూస్తూ ఉండడం తప్ప. సుఖమైనా, దుఃఖమైనా Face చేయి, Taste చేయి. అన్నిటికీ సిద్ధపడి ఉండడమే మహాసిద్ధి. అదే శరణాగతి.

96. ఒకరు: కొన్ని బోధలు మాకు నచ్చలేదు స్వామీ... సద్గురు: మాక్కూడా నచ్చలేదు. సత్యానికి మన ఇష్టాయిష్టాలతో పనిలేదు. 97. ఒకరు: సైన్సుకు, ఆధ్యాత్మికానికి తేడా ఏమి? సద్గురు: సైన్సు అనేది విడువబడిన బాణం యొక్క శక్తిని గుఱించి చెబుతుంది. ఆధ్యాత్మికం అనేది బాణం విడిచినవాని యొక్క శక్తిని గుఱించి చెబుతుంది. 98. ఒకరు: నా జన్మ తరించడం ఎలా? సద్గురు: తరించడం సంగతి అలా ఉంచు... తరించిన తర్వాత నీ ప్రోగ్రాం ఏమి? ఆలోచించు. 99. చిలకమ్మ: ఎందుకు పుట్టామో? ఎందుకు జీవిస్తున్నామో తెలియటం లేదుస్వామీ...! సద్గురు: మనల్ని భూమ్మీదకు పంపినవానికొక్కనికి మాత్రమే ఆ రహస్యం తెలుసును. భూమ్మీద ఉన్న ఎవ్వడికీ తెలియదు. 100. ఒకరు: ఒక వ్యక్తిని దేవుడని పూజిస్తున్నారు... అది సరియేనా? సద్గురు: చెట్లని-పుట్లని, నందిని-పందిని దేవుడని కొలిచే సంప్రదాయం మనది. మనిషిని దేవుడని కొలవడం తప్పేముంది? 101. భూపతి: భగవంతుడు జీవుల్ని ఎందుకిట్లా అడిస్తున్నాడు? సద్గురు: వచ్చిన కలను తప్ప నచ్చిన కలను చూడడం కుదరదు.

ఒకరు: ఆత్మానుభవం ఎలా కలుగుతుంది? సద్గురు: నీవు లేకపోతే ఉండేది అదే. ఆ అనుభవం లేకపోవడానికి కారణం నీవే. నీవుంటే అనుభవం ఉండదు. అనుభవం ఉంటే నీవుండవు. నీవే తేల్చుకో... నీవుండాలో, అనుభవం ఉండాలో.

* * * మనం అనుకునే ఈ మెలకువ నిజానికి ఇదొక కల. ఇందులో అన్ని భేదాలూ ఉంటాయి. భేదాలు ఉండడమే 'ఇది కల' అనడానికి ప్రధానమైన గుర్తు. ఏ భేదమూ తోచకపోవడమే నీవు నిజమైన మెలకువలో(జ్ఞానములో) ఉన్నావని గుర్తు. * * *

25. అస్కలిత బ్రహ్మచర్యం గుఱించి ప్రస్తావన వచ్చినప్పుడు.... గురువుగారు ఇలా అన్నారు- వీర్యస్కలనంతో పోయే జ్ఞానం జ్ఞానమేనా? అలాంటి జ్ఞానం మనకొద్దు. పోతేపోనీ. జ్ఞానం అనేది ఒకదానితో రాదు,ఒకదానితో పోదు.

2.ఒకరు: అంతా దైవస్వరూపమే అయినప్పుడు.... ప్రపంచంలో హెచ్చుతగ్గులు ఎందుకున్నాయి? సద్గురు: గంగాళాన్ని సముద్రపునీటితో నింపినప్పుడు... సముద్రపునీరు, గంగాళంలో ఉన్న నీరు రెండూ ఒకటే అయినప్పటికీ సముద్రంలో ఉన్నరీతిగా గంగాళంలో ఉండే నీటికి ఆటుపోట్లు ఉండడంగానీ, తిమింగలాలు మొదలైన జలచరాలు ఉండడంగానీ, ఓడలు,నౌకలు ఉండడంగానీ ఉండవు. రమణులు, రామకృష్ణాది మహనీయులనేవారు కూడా సముద్రపునీటితో నిండివున్న పాత్రలే తప్ప సముద్రం కాదు. సాధారణులు, మహనీయులు అనే తేడాలనేవి పాత్రల పరిమాణాల్లో తేడాలు తప్పితే పాత్రలలో ఉన్న 'నీరు' గా అంతా సమమే. అన్ని పాత్రలలో ఉండేది సముద్రమేగాని సముద్రం కాదు. సముద్రంలో ఉన్న పాత్రల లోపలా బయటా సముద్రమే ఉన్నట్లు దైవంలోనే సకలమూ ఉందని ఉండడమే పరిపూర్ణత్వం. సముద్రం(దైవం) సదా ఏకవచనం. * * * నామారూపాలకు ప్రాధాన్యత ఇస్తే పాత్రలుగా ఉంటాం. నామరూపాలకు ప్రాధాన్యత ఇవ్వకుంటే సముద్రంగా ఉంటాం.

సద్గురు సుబ్రమణ్యం గారి ఏక వాక్య జవాబులు 26-55

 25. అన్నాజీరావు: రమణభగవానులు ఆధ్యాత్మికంలో ఎవరెస్ట్ శిఖరానికి చేరుకున్నవారు.

కానీ క్రిందనున్నవాళ్లకి ఓ త్రాడు వేసి పైకి ఎక్కించాలి కదా...!

CS

DK

08:04

సద్గురు: త్రాడు వేసి పైకి లాగాలనే ఉంది భగవానుకు. కానీ అక్కడ (తనకు విడిగా) ఎవరూ కనిపించలేదే! 26. హరి: సాధన అవసరమా? కాదా? సద్గురు: అవసరమైనట్టు అనిపిస్తుంది... కానీ అవసరం లేదు. 27. వరలక్ష్మి: నాకు మంచి ఉపాసన చెప్పండీ... సద్గురు: అందరూ "ఒక్కడి"లో ఉన్నారు. ఆ ఒక్కడే అందరిలో ఉన్నాడు. అని సదా స్మరించుకోండి.... 28. బాబు: తనకు ఓ గురువు వుండి, మరో గురువు చేసిన ఉపదేశాన్ని స్వీకరించవచ్చా? సద్గురు: ఈశ్వరుడే దిగివచ్చి చెప్పినా సరే స్వీకరించవద్దు. నీ గురువాక్కే నీకు పరమప్రమాణం. 29. శైలజ: గురువుగారూ! మీ ఆశీర్వాదం కావాలండీ... సద్గురు: అది ఎప్పుడు లేదో చెప్పండీ... 30. బాబు: పొందటంలో శాస్త్రప్రయోజనం ఉన్నదా? సద్గురు: శాస్త్రం వలన పొందటం జరుగదు. పొందవలసినదానిని పొందిన తరువాత శాస్త్రం రూఢి పరుస్తుంది. అంతవఱకే శాస్త్రప్రయోజనం. 31. చెంచురామయ్య: చూడండి స్వామీ...! ఆ కొట్టువాడి మోసం... రూపాయికి ఎంత కొద్ది కర్పూరం ఇచ్చాడో... సద్గురు: ఎంత కర్పూరం వెలిగించావో అన్నది ముఖ్యం కాదు... ఎంత ఖర్చు పెట్టావో అన్నదే ముఖ్యం. వాడు చేసింది వాడి ఖాతాలోకి పోతుంది. నువ్వు చేసింది నీ ఖాతాలోకి పోతుంది. 32. బాబు: ప్రాణానికి, చైతన్యానికి తేడా ఏమిటి? సద్గురు: ప్రాణం లబ్-డబ్ అంటుంది. చైతన్యం నేను-నేను అంటుంది. 33. సుబ్బు: ఆనందంగా ఉంటాలంటే ఏంచేయాలి? సద్గురు: ఏమీ చేయొద్దు... నీవు ఏంచేసినా సరే అది నిశ్చలంగా ఉన్న నీటిలో రాయి వేయడమే. 34. పట్టెయ్య: గురువుగారూ! మీతో కలిసి అరుణాచల ప్రదక్షిణం చేయాలని ఉంది... సద్గురు: అరుణాచలమే నా చుట్టూ ప్రదక్షిణం చేస్తోంది... 35. కుమారస్వామి: గురువుగారూ! మా మిత్రుడు బత్తెయ్య చనిపోయాడు... సద్గురు: మనం మాత్రం బ్రతికన్నామా కుమారస్వామీ... 36. వీరబాబు: గురువుగారూ! అరుణాచలప్రదక్షిణం చేయడానికి పౌర్ణమి ఘడియలు ఎప్పుడున్నాయో చెబుతారా? సద్గురు: నీవెప్పుడు గిరిప్రదక్షిణ చేస్తావో, అప్పుడే పౌర్ణమి. 37. విజయమ్మ: న కర్మణా న ప్రజయా ధనేన త్యాగేనైక అమృతత్వ మానశుః అని శ్రుతివాక్యం... త్యాగం చేయడమెట్లా? సద్గురు: నీదంటూ ఏదన్నా ఉన్నదా? ముందు తేల్చు....తర్వాత దానిని ఎట్లా త్యాగం చేయాలనేది తర్వాత ఆలోచిద్దాం... 38. బాబు: జీవిత లక్ష్యమేమి? సద్గురు: జీవించడమే. 39. పట్టెయ్య: అన్నింటిలో చైతన్యం ఉంది కదా? సద్గురు: చైతన్యంలో అన్నీ ఉన్నాయి. 40. బాబు: ఆత్మప్రదక్షిణ అంటే? సద్గురు: అచలంగా ఉండడం. 41. మునెయ్య: అందరూ రమణమహర్షుల్లా అయిపోతే లోకం జరిగేదెట్లా? సద్గురు: అందరి సంగతి వదిలేయ్! ముందు నువ్వు అవ్వు చూద్దాం... 42. బాబు: యెవడు నమస్కార యోగ్యుడు? సద్గురు: "నాకు బాధలే లేవు" అని యెవడైనా అంటే, వాడే నమస్కార యోగ్యుడు. 43. ప్రశ్న: దేవుడెక్కడున్నాడు? సద్గురు: నీలోనే ఉన్నాడు. నీవుగానే ఉన్నాడు. 44. ప్రశ్న: సన్న్యాసి ధనరూపేణా దక్షిణ స్వీకరించవచ్చా? సద్గురు: స్వీకరించవచ్చు....కానీ చీకటి పడేలోపు మొత్తం ఖర్చు చేసేయాలి. అప్పుడే ఆ దక్షిణ వలన దోషం ఉండదు. 45. డాక్టర్ మురుగేశన్: స్వామీ! నా ప్రాక్టీసు బాగా జరిగేటట్టు ఆశీర్వదించండీ... సద్గురు: అంటే లోకంలో రోగులు పెరగాలనా నీ ఉద్దేశం? ఈ విధమైన ప్రార్థన సరికాదు. రోగి రోగం ఉండి నీ వద్దకు రాడు. నిన్ను అనుగ్రహించడానికిగాను భగవంతుడే రోగి రూపంలో వస్తాడని ఎఱుక కలిగి వైద్యం చేయి... 46. ఒకరు: ఇల్లు ఈశాన్యం వైపుకు తిరిగి ఉంటే మంచిదని అంటారు... సద్గురు: బుద్ధి ఈశాన్యం(అధిపతి ఈశ్వరుడు)వైపుకు తిరిగి ఉంటే మంచిది. 47. ఒకరు: ఓ మంచి ఆధ్యాత్మిక సాధన ఏదయినా చెప్పండి... సద్గురు: ఎప్పుడూ ఎక్కడా నీ సంతకం చేయొద్దు... 48. బాబు: శ్రీరమణాశ్రమంలో పాశ్చాత్య భక్తుల నడవడికలను చూస్తుంటే, మన కల్చర్ ను మన కంటే వాళ్లే బాగా కాపాడుతున్నట్టు అనిపిస్తోంది... సద్గురు: అవునవును...వాళ్ల కల్చర్ ను మనం కాపాడుతున్నాం కదా... 49. చిలకమ్మ: ఎవర్ని నమ్మాలో, ఎవర్ని నమ్మకూడదో తెలియడం లేదు స్వామీ... సద్గురు: ముందు చిలకమ్మను నమ్మొద్దు... 50. బాబు: మాయ నిత్యమైనదా? అనిత్యమైనదా? సద్గురు: "ప్రపంచంలో నేనున్నాను" అన్న వర్గదృష్టిలో మాయ నిత్యమైనది. "నాలో ప్రపంచం ఉన్నది" అన్న వ్యక్తిగతదృష్టిలో మాయ అనిత్యమైనది. 51. ఒకడు: అరుణగిరి ప్రదక్షిణం యొక్క ఫలమేమి? సద్గురు: "ఇప్పటివఱకు ఎవరూ అరుణగిరి ప్రదక్షిణం చేసిందే లేదు" అని మనసుకు తోయడమే ఫలం. 52. ప్రశ్న: ఈ సృష్టి ఎలా జరిగింది? సద్గురు: అచలస్వరూపుడైన పరమాత్మునిలో స్వాభావికంగా ఉన్న సంకల్పవైభవమే ఈ మహాసృష్టి. 53. ఒకరు: కామికానివాడు మోక్షగామి కాడు అన్నారు వేమన... సద్గురు: దాని అర్థం మోక్షాన్ని పొందాలంటే ముందుగా కాముకులుగా ఉండాలనేది ఆయన భావం కాదు. కామి కాకపోతే మోక్షాన్ని కూడా కామించడు(కోరడు)అని భావము. 54. ఒకరు: ధ్యానంలో నా మనసు ఎక్కడెక్కడో తిరుగుతుంటుంది స్వామీ...! సద్గురు: తిరగనీ... ఆత్మ అనంతము, సర్వవ్యాపకము కదా! మనసు ఎక్కడెక్కడ తిరిగినా అంతా ఆత్మలోనే కదా! తిరగనీ.... 55. ప్రశ్న: సహజసమాధి అంటే?

DK

08:04

సద్గురు: "అంతా సహజంగా ఉంది" అని ఉండడం.

Sadguru Subramanya swami , short answers 1-21 various Questioners

 129. నేనే ప్రశ్న - నేనే సమాధానం - 1

_____ 1. బాబు: నేనే ప్రశ్న - నేనే సమాధానం గ్రంథం చదవడానికి అర్హత ఏమి? సద్గురు: ఆర్తి(నిజమైన అవసరం) 2. బాబు: నేనే ప్రశ్న - నేనే సమాధానం అంటే అర్థమేమి? సద్గురు: ప్రశ్నించేవాడే సమాధానం. 3. దేవీప్రసాద్: ప్రశ్నే పుట్టని స్థితిని సాధించడం ఎలా? సద్గురు: 'నేను' పుట్టు చోటుకు చేరుకుంటే సరి. 4. బాబు: తలంపులను అణచి ఆత్మను తెలుసుకోవాలని అంటారు... సద్గురు: ఇది చాలా శ్రమతో కూడిన సాధన. "తలంపురూపంగా ఉన్నది ఆత్మయే" అని తెలుసుకుంటే, తరువాత తలంపులున్నా నీవు తలవనివాడివే అవుతావు. 5. బాబు: భగవత్సాక్షాత్కారం అంటే? సద్గురు: మనం ఇక్కడ పదిమంది ఉన్నాం... పదకొండవవాడు కాడు భగవంతుడు. మన పదిమంది రూపాల్లో ఉండేది భగవంతుడే అని తెలుసుకుంటే అదే భగవత్సాక్షాత్కారం. 6. బాబు: ప్రత్యేకించి సాధన అవసరం లేదంటారా? సద్గురు: అవసరం లేదు... "అతడే నేను" అన్న జ్ఞప్తి ఉంటే చాలు. 7. బాబు: మరి దేశంలో ఇన్ని ధ్యానకేంద్రాలు ఇబ్బడిముబ్బడిగా వెలిశాయి... సద్గురు: (నవ్వుతూ) ఈ ధ్యాన కేంద్రాలలో సాధన చేయడం కంటే శ్మశానంలో ఏదయినా సమాధి అరుగుమీద కాసేపు కూర్చొని గడపడం మంచిది. అంతకు మించిన సాధనే లేదు. ఆ సమయం నీకు ఎన్నో జీవితసత్యాలను ప్రబోధిస్తుంది. 8. బాబు: సన్న్యాసం తీసుకునే ముందు తల్లి లేదా భార్య అనుమతి తప్పనిసరి అంటారే... సద్గురు: పొందవలసినదానిని పొందిన తరువాత సన్న్యాసం తీసుకున్నవారికి ఎవరి అనుమతీ అవసరం లేదు. ఉదా. శ్రీరమణమహర్షి సన్న్యాసం తీసుకొని పొందాలనుకునేవారు తప్పనిసరిగా తల్లి లేదా భార్య అనుమతి తప్పనిసరి. ఉదా. శ్రీఆదిశంకరులు 9. చిలకమ్మ: ఇక ఈ జన్మ చాలు అనుకుంటున్నాను స్వామీ.... సద్గురు: కథలోని ఓ పాత్ర, ఇక నాకు ఈ పాత్ర చాలు...అనుకుని రచయితకు తెలియకుండా కథలోంచి విరమించుకునే వీలు ఆ పాత్రకు ఉంటుందా? ఏ పాత్ర ఎప్పుడు ప్రవేశపెట్టాలో, ఎప్పుడు నిష్క్రమింపచేయాలో విశ్వకథారచయిత అయిన భగవంతుని ఇచ్ఛానుసారంగానే జరుగుతుంది. 10. శశిరేఖ: లోకాన్ని ఉద్ధరించడం కాదు, ముందు నిన్ను నీవు ఉద్ధరించుకో అని రమణభగవానులు అన్నారు... లోకోద్ధరణే మోక్షదాయకమన్నట్లు వివేకానందులు ప్రబోధించారు... ఏది సరి? సద్గురు: అంతర్ముఖంలో తనను తాను చూసుకునే ఉపాయాన్ని బోధించినవారు - శ్రీరమణులు. బహిర్ముఖంలో తనను తాను చూసుకునే ఉపాయాన్ని బోధించినవారు - వివేకానందులు. 11. పట్టెయ్య: ఈ ఆధ్యాత్మిక జ్ఞానం వలన దేనికీ అంటని స్థితి నాకు కలిగిందండీ.... సద్గురు: మంచిది...ఇక పట్టెయ్యను కూడా అంటనిస్థితిని సాధించు... 12. గురప్ప: రమణభగవానులు తాను అవతారపురుషుడనని ఎక్కడైనా చెప్పి వున్నారా? సద్గురు: చెప్పి ఉండేవాడే, కాని చెప్పడానికి ఆయనకు ఇతరం కనిపించలేదు. 13. బాబు: గురుదక్షిణ గుఱించి చెప్పండీ... సద్గురు: నీవు ఎవరికి ఏమి ఇచ్చినా, తనకు తాను ఇచ్చుకున్నట్టుగా నీకు అనిపిస్తే అదే గురుదక్షిణ. 14. హరి: మోక్షం అంటే ఏమిటి? సద్గురు: దైవం కంటే భిన్నంగా ఏమీ లేదు... నేను కూడా దైవమే అన్న అనుభవమే మోక్షం. 15. సద్గురు: బాబూ! ఈరోజు నీవు ఒక్కసారైనా "ఈ జాగ్రదవస్థ స్వప్నం లాంటిదే" అన్న జ్ఞప్తి కలిగిందా? బాబు: లేదండీ... సద్గురు: అయితే ఈ రోజు నీవు ఒక్కసారి కూడా భగవంతుణ్ణి తలవనట్లే. "ఈ జాగ్రదవస్థ స్వప్నం లాంటిదే" అన్న జ్ఞానం ఒక్కటుంటే చాలు...అన్ని జ్ఞానాలూ నీకున్నట్లే. సదా భగవంతుణ్ణి నీవు తలుస్తున్నట్లే. 16. బాబు: ఆత్మ అంటే? సద్గురు: ఒక వస్తువు వుండాలంటే, కొంత అవకాశం ఉండాలి కదా! అలాగే సకలసృష్టికి ఆధారమైన విశ్వాంతరాళము ఉండటానికి అవకాశంగా ఉన్నదేదో అదే ఆత్మ. 17. బాబు: పురుషోత్తముడు అంటే? సద్గురు: ఉత్తమపురుషము(నేను) యొక్క తత్త్వాన్ని ఎఱిగినవాడు. 18. చిలకమ్మ: ఎందుకు నేను ఈ బాధలు పడాలి? సద్గురు : ఎందుకు పడకూడదు? 19. చిలకమ్మ: జ్ఞానులు పొందిన స్థితిని నేనెందుకు పొందలేకపోతున్నాను? సద్గురు: అలా చెప్పిన జ్ఞాని యెవరు? 20. చిలకమ్మ: ఆలస్యాన్ని భరించలేకున్నాను... త్వరగా ముక్తిని పొందటానికి మార్గం చూపండీ... సద్గురు: మీరు మీ ఇంటికి(స్వస్థానానికి) చేరడానికి మార్గం ఎవరు చూపగలరు? 21. బాబు: బ్రహ్మము అంటే? సద్గురు: ఏ మనస్సయితే తనతో సహా సకలాన్ని త్రోసివేస్తుందో... ఏ మనస్సయితే తనతో సహా సకలాన్ని తనలో ఇముడ్చుకుంటుందో ఆ మునస్సే బ్రహ్మము. 22. బాబు: భగవద్గీత సారమేమి? సద్గురు: Don't Expect... 23. బాబు: ఆత్మానుభవం అంటే? సద్గురు: ఉన్నది ఉన్నట్లుగా, ఒకటిని ఒకటిగా, దానినే అదిగా, తననే తానుగా అనుభవించడమే ఆత్మానుభవము. 24. సద్గురు: జ్ఞానాన్ని మనం సంపాదించేది కాదు. జ్ఞానం ఎవరిని ఎన్నుకుంటుందో వారే జ్ఞానులవుతారు. చిన్నా: అది కొంతమందినే ఎందుకు ఎన్నుకుంటుంది? సద్గురు: దాని గుఱించి ఇదమిత్థంగా ఏమీ చెప్పలేం. 25. అన్నాజీరావు: రమణభగవానులు ఆధ్యాత్మికంలో ఎవరెస్ట్ శిఖరానికి చేరుకున్నవారు. కానీ క్రిందనున్నవాళ్లకి ఓ త్రాడు వేసి పైకి ఎక్కించాలి కదా...!

CS

DK

08:04